Awit 125
“Si Jehova Kadapig Ko”
1. Ang kasingkasing ko, sa Diyos
Lig-on ug masaligon.
Handom nako nga maglakaw,
Kaniya masinundanon.
Sa dalan sa kinabuhi
Daghan ang kalisdanan,
Apan ang Diyos kadapig ko,
Gugma niya ang dangpanan!
(Koro)
2. Ning mahukmanong panahon
Pagtuo ko sulayon.
Naa ang yawan-ong panon,
Napuhag daw putyukan.
Ug ako silang abogon
Sa langitnong proteksiyon.
Mahal ko ang ngalan nimo,
Diyos ko, mabination.
(Koro)
3. Ang Diyos nga Jehova karon
Nag-uswag sa utlanan
Kay daghan ang nanagpanon
Sa nasod nga balaan.
Kanila siya nagpaluyo,
Magkalipay sa tuman.
Madasigon unta ako,
Kanila makig-uban.
(KORO)
Si Jehova kadapig ko,
Sa kahangtoran siya dayegon ko.