Awit 66

Gahom sa Kalulot

(Roma 2:4)

1. Magpasalamat ta sa Diyos,

Kay gipakita niya

Sa tawo gugma niya bug-os,

Kita nasayod na!

Bisan gamhanan gayod siya,

Matinagdanon gihapon.

Ug kita gikabig niyang

Magmatinumanon.

2. Sa nagatudlo si Jesus,

Aghop siya ug kalma,

Ug may kalulot sa kabos,

Sa mga maluya.

Pagpanudlo niyang may gugma

Naghupay sa gikapoyan,

Sa Diyos nagdala kanila,

Bug-os nahinloan.

3. Bunga nga atong batonan

Ang maong kalulot,

Kon sa Diyos ta manig-ingon

Bendisyon makab-ot.

Kon dunay mga suliran

Nga daw malisod sulbaron,

Kasulbaran makaplagan

Sa kamaluloton.

4. Ang maayo mahimo ta

Kon atong mailhan

Nga ang kalulot may puwersa

Nga way kataposan!

Ang bulahan mao sila,

Naghatag ug gihatagan.

Dayegon ang Diyos kay gikan niya

Atong kalungtaran.