Awit 164

Kabataan—Gasang Mahal sa Diyos

(Salmo 127:3, 4)

1. Gasang mahal ang kabataan

Nga angay bansayon, tudloan.

Daw pana sa tawong gamhanan

Ug sa hustong tumong tabangan.

Mahal nga gasa;

‘Bunal gamita.’

Uban sa kalumo ug gugma,

Maampingong tul-ira sila.

2. Ang kahanas kinahanglanon

Aron tugkaron ug kaloson

Ang kasingkasing nga batan-on.

Kon Diyos sundon, magmalamposon.

Ang kasingkasing

Sa bata abta.

Ang panabang sa Diyos hangyoa,

Masaligon, ang Pulong sunda.

3. Sa suod nga komunikasyon,

Ang kabataan makakat-on

Sa pagpahayag nga gawasnon

Ug panaghigala maangkon.

Ayaw tamaya.

Tugkara sila.

Dili ta unta makasala

Samtang nagapunting sa pana.

4. Panulondon ang kabataan,

Apan sa Diyos sila nga tanan.

Bunga sila nga magantihon

Kon tudloang matinguhaon.

Naglaom kita,

Magtuon sila.

Kang Jehova mosalig kita,

Ug sa kabataan dayegon siya.