Awit 6
Magpahayag sa Walay Kataposang Maayong Balita
1. Anghel sa Diyos naglupad libot sa yuta,
Dala ang walay kataposang balita.
Matod niya: ‘Himayaa, kahadloki siya.
Simbaha ug alagara si Jehova.
Miabot na ang takna sa paghukom niya;
Sa paghampak sa daotan sa gahom niya.’
Magsasangyaw sa Gingharian di mahadlok
Magsulti sa balita sa tanang suok.
2. Unsay sulti sa anghel nga ikaduha
Nga sundon tang mga Saksi ni Jehova?
Napukan na ang Bantogang Babilonya,
Kalaglagan mao ang madangatan niya.
Ug si Jehova nagsugo kanato nga
Magsangyaw ug magbayaw ta sa ngalan niya.
Dako gayod ang natad nga sangyawanan,
Apan anghel sa Diyos naa sa unahan.
3. Ang Anak sa tawo ug mga anghel niya
Naghukom sa mga nasod ning adlawa.
Dumti ang daotan. Buhatang maayo.
Kahadloki ang Diyos, kamo nga karnero.
Katungdanan nga sangon sa Ginoo ta,
Iwali, itudlo ang Pulong sa Diyos ta.
Ug sa maisogon ta silang awhagon,
“Magsimba kang Jehova, magmalipayon.”