Awit 42
“Kini ang Dalan”
1. Ang Diyos nagatawag, O manglakaw ta,
Manglakaw ta sa dalan ni Jehova.
Dalan niya matahom, walay kasama,
Dinhi nagsulti, nagpasidaan siya.
Manglakaw ta sa dalan niya.
Di maglangan! Di magduda!
Klaro sama sa kristal ang pagtawag niya.
Niini manulti kita.
Ang espiritu sa Diyos hinabang ta,
Sa dalan sa katarong manglakaw ta.
2. Ang tingog sa luyo nindot ug tono,
Kay Dakong Instruktor nagpahibalo.
Kini nasabtan ta, ug nadunggan ta,
Di na mosunod sa dalan nga palso!
Manglakaw ta sa kahayag,
Diyos kanato magabanwag.
Kalinaw nga lunsay ang unya maangkon,
Kay si Kristo nagagahom.
Ayaw pagliko sa tuo kun wala,
Apan tarong manglakaw, Diyos ang sunda.
3. Atong isaysay dalan ni Jehova
Kanilang mamati sa bug-os yuta.
Samag salampati nagpanon sila,
Nanuol sa Diyos, ang Dangpanan nila.
Manglakaw ta sa kalinaw.
Ni Satanas di pabugnaw.
Dad-on ta Niya sa katarong, sa katahom,
Sa kinabuhi nga dayon.
Manghangad ta, ug ang paso dalion.
Sa Gingharian ang atong paglaom.