Awit 86

Pag-ugmad sa Bunga sa Gugma

(1 Corinto 13:8)

1. Gituga sa Diyos nga Jehova

Nganha sa mga ministro niya,

Hiyas nga ilang gamiton

Sa balaang buluhaton.

Espiritu niya giila,

Ginaugmad gayod nila.

Apan labing giatiman

—Ang gugmang labaw sa tanan.

2. Ang tanan gamiton sa tugob,

Apan uban sa pagpailob.

Ug ato sab atimanon

Kadtong labing hinungdanon.

Dili igo ang pangisip

Sa karnerong gipasibsib,

Apan kinasingkasing ta

Sa pagpanudlo kanila.

3. Sa magkugi ta sa pagtubo,

Pakigdait ang atong tuyo.

Antoson tang pasipala,

Tabangan ta ang maluya.

Kalipay atong bation

Sa pagkadimahakogon.

Hingpiton bunga sa gugma

Ug sa Diyos manig-ingon ta.