Awit 96
Nagahimaya sa Atong Amahan, si Jehova
1. Jehova, sa kalalangan
Ikaw pagaawitan,
Kay sa imong pagbulot-an
Namugna silang tanan.
Kanamo nanalangin ka,
Kanamo ka naggasa.
Mga tagna nagbalay ka
Ug karon natuman na.
Dihang si Jesus natawo,
Mga anghel nagkoro.
Salamat nimo, Ginoo,
Nagtubos ka kanamo!
2. Sadya kami nga Anak mo
Nagtuman sa gisugo,
Kay sa yuta madaogon,
Ang kahimtang gibag-o.
Karon Hari siya sa trono,
Nagtuman sa lagda mo;
Ngalan, katuyoan nimo
Iyang gipahibalo.
Busa kami malipayon,
Kanimo mahugyawon:
‘Diyos Jehova, imong wad-on
Ang kasubo; papason.’
3. Nan, dili ba mag-awit ta,
Magpahimuot ta niya,
Magpahinungod na kita,
Kaniya mag-alagad na?
Ngalan mo kami magbayaw,
Buluhaton humanon.
Gugma unta di mabugnaw
Ni kadasig palongon.
Ug uban sa among tanan,
Ikaw among silbihan.
Sa ngalan mo kadungganan
Among paningkamotan.