Awit 72
Mga Kasadya ug mga Bunga sa Pag-alagad sa Gingharian
1. Sa pag-alagad sa Diyos, Jehova,
Way tanding ang atong kasadya,
Kay di hakog ta nga nagmantala,
Ang kahupayan atong dala.
Si Jesus kanato nagpasalig:
Ang paghatag mas dakog bili.
Ug may molabaw pa ba niini
Kay sa kamatuoran, kinabuhi.
2. Sa magmantala sa kabalayan
Tamayon kita, dili tagdon.
Apan kusganon, matinguhaon
Kita nga magmatinumanon.
Kon sa mapait kita lutoson
Tungod sa ngalan ni Jehova,
Manlukso ta sa dakong kasadya
Sama sa karaang mga propeta.
3. Ang pag-alagad ta kasadyaan
Kon agalon sundon sa dalan.
Magwali ka ug magpasidaan
Ug dad-a sa Diyos kadungganan!
Sa tanan dad-a sab ang paglaom,
Wad-on nang sala, kalisdanan.
Ug matagamtam ang katagbawan
Ug kinabuhing walay kataposan.