Ang Dapit Diin Pakitaan ug Pagkamaabiabihon ang mga Estranghero
Niadtong Septiyembre 1994, usa ka lalaki sa Michigan, T.B.A., misulat sa kongregasyon sa mga Saksi ni Jehova sa Lebanon, Tennessee. Siya nag-ingon:
“Balik niadtong Dominggo, Hunyo 6, 1993, mitambong ako sa inyong publikong pakigpulong ug Pagtuon sa Bantayanang Torre. Kadto ang unang higayon sukad nga misulod ako ug Kingdom Hall, ug nakadayeg gayod ako sa tanang mapahiyomong mga dagway ug sa tim-os nga gugma nga gipakita kanako. Ako miabot nga ulahi ug pipila ka minuto, ug sa dihang gipasulod, milingkod ako nga nag-inusara. Usa ka batan-ong magtiayon diha sa samang linya nagpahulam kanako ug usa ka Bibliya ug dayon usa ka kopya sa magasing Bantayanang Torre alang sa pagtuon.
“Human sa mga tigom ang kadaghanan kaninyo nakig-estorya kanako, nakiglamano, ug naghimo sa akong pagtambong nga usa ka malipayon kaayong kasinatian. Sa dihang ako sa kataposan mibiya na sa inyong Kingdom Hall, nakadala akog tulo ka libro—ang Bibliya, Ang Labing Bantogang Tawo nga Nabuhi Sukad, ug Ikaw Mabuhing Walay Kataposan sa Paraiso sa Yuta. Sa pagkagabii niana gibasa ko ang dakong bahin sa librong Mabuhing Walay Kataposan, ug nahibaloan ko ang bag-ong ngalan sa akong Diyos, Jehova. . . .
“Buot ko nga masayod kamong tanan nga gipabilhan ko gayod ang inyong katingalahang pagkamaabiabihon sa usa ka bug-os estranghero ug ilabina nga buot ko nga masayod kamo nga . . . ako nabawtismohan niadtong Hulyo 9, 1994, sa linghod nga edad nga 70.”
Kon buot ka nga makadawat ug mainitong pagkamaabiabihon gikan niadtong kinsa malipay sa pag-alagad sa Diyos, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5. Sila mangita kanimog usa ka Kingdom Hall nga duol sa inyong balay.