Awit 26
Nagatuman sa mga Kinahanglanon sa Diyos
1. Sa Diyos magmatinumanon,
Pagtuo ta niya bug-oson.
Sa mga balay paingon,
Atong Diyos ang himayaon.
Kitang Saksi lipayon ta,
Nagbakho paawiton ta.
Ang agtang nila patiki
Ug maluwas sa ulahi.
2. Kon panlantaw nato bug-os,
Kahayag ta di mag-us-os.
Kon kasingkasing bantayan,
Sa kinabuhi gahinan.
Kon abtik sa pagmantala
Sa pulong sa tanang yuta,
Kon dalan nato tul-iron,
Hingpit kitang malipayon.
3. Kaigsoonan tabangan,
Lakip nang mga silingan.
Magdait ug maghiusa
Kita nga sa Diyos iyaha.
Mahait tang ginaila
Ang kalipay tang gidala.
Luwas unta sa kahugaw
Ug ngalan sa Diyos mabayaw.