Awit 136
Maunongong mga Magsisimba Magdayeg Kang Jehova
1. O Diyos bulahan ka, among awitan ka;
Hatagi kami sa kadagaya.
Takos ka nga dayegon, dalan mo ang sundon
Ug sa buluhaton maunongon.
2. Among bayawon ka—Pasalamatan ka—
Magbantay mi unta nga putli ra.
Unta mahibalo mi sa pagpalambo
Sa ligdong pagtuo, O Ginoo.
3. Sabton unta namo ang katuyoan mo
Nga sa himaya mo ginahimo.
Maayo buhaton aron magmalig-on,
Pamati kon tawgon, unta dunggon.
4. Diyos tabangi kami, kahadlok iwakli,
Samtang ngalan kami nagawali.
Ang kalinaw unta kanamo dagaya
Ug sa bug-os yuta, bantogan ka.