Awit 175
Kalangitan Nagapahayag sa Himaya sa Diyos
1. Langit nagahimaya kang Jehova;
Buhat sa kamot niya dayag nga makita.
Adlaw-adlaw nagdayeg niya;
Ang gabii nagatug-an sa gahom niya.
2. Balaod ni Jehova nagahimo
Natong maalamon, nato nagabag-o.
Kasingkasing malipayon,
Mata nato sa sugo niya madan-agon.
3. Malinis ang kahadlok kang Jehova,
Matarong ug matuod ang mga lagda.
Mas hamili sa bulawan,
Sama ka tam-is sa dugos sa putyukan.
4. Salamat sa imong kabalaoran,
Bantayan namo aron pagagantihan.
Hunahuna, mithi namo,
Unta makapahimuot, O Ginoo.