Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Pebrero 23, 2004. Dumalahon sa magtatan-aw sa tunghaan ang 30–​minutos nga repaso pinasukad sa materyal nga gikobrehan diha sa mga asaynment alang sa mga semana sa Enero 5 hangtod sa Pebrero 23, 2004. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.​—Tan-awa ang Tunghaan sa Ministeryo, pp. 36-7.]

MGA HIYAS SA PAGPANULTI

1. Unsay atong mahimo aron maseguro nga ang praktikal nga bili sa materyal nga gipresentar mahimong tin-aw sa atong mamiminaw ug mapuslanon gayod kanila? [be p. 158 mga par. 2-4]

2. Nganong kinahanglan natong pilion pag-ayo ang atong mga pulong? [be p. 160 par. 1 ug ikaduhang kahon]

3. Unsa ang pangunang kinahanglanon sa maayong pagpanulti nga gipasiugda sa 1 Corinto 14:​9, ug sa unsang paagi atong mapadapat kining prinsipyoha diha sa atong pagpanudlo? [be p. 161 mga par. 1-4]

4. Sumala sa makita diha sa Mateo 5:3-12 ug Marcos 10:17-21, unsa ang usa ka talagsaong hiyas sa pagpanudlo ni Jesus nga mahimo natong sundogon? [be p. 162 par. 4]

5. Diha sa atong ministeryo o sa dihang mokomento panahon sa mga tigom sa kongregasyon, nganong angay kitang magmainteresado sa paggamit sa mga pulong nga magpadayag ug puwersa, pagbati, ug kamabulokon? (Mat. 23:​37, 38) [be p. 163 par. 3–​p. 164 par. 1]

ASAYNMENT NUM. 1

6. Unsa ang tema sa pakigpulong, ug sa unsang paagi ang paghinumdom kanunay niini mahimong epektibo sa dihang magpili ug mag-organisar ug materyal alang sa pakigpulong? [be p. 39 par. 6–​p. 40 par. 1]

7. (a) Unsay kahulogan sa pagkahimong hinlo sa espirituwal, ug nganong ang espirituwal nga kahinlo giisip nga labing hinungdanon sa tanang kahinlo? (b) Sa unsang paagi malikayan sa mga Kristohanon ang pagdawat sa moral nga pagkadili-hinlo nga naandan sa kalibotan? [w02 2/1 pp. 5-6]

8. Sa tanang prinsipyo nga makaplagan diha sa Bibliya, unsa ang mas hinungdanon nga mga prinsipyo? [w02 2/15 p. 5 mga par. 1, 4, 6]

9. Unsay empatiya, ug sa unsang paagi gipakita ni Jesus kining hiyasa? [w02 4/15 p. 25 mga par. 4-5]

10. Sa unsang paagi ang Proverbio 11:11 mapadapat sa mga kongregasyon sa katawhan ni Jehova? [w02 5/15 p. 27 mga par. 1-3]

SENEMANANG PAGBASA SA BIBLIYA

11. Unsay gihawasan sa “kahoy sa kinabuhi” nga gihisgotan diha sa Genesis 2:9?

12. Nganong namatay ang asawa ni Lot? (Gen. 19:26) [w90 4/15 p. 18 par. 10]

13. Diha sa matagnaong drama sa Genesis kapitulo 24, kinsa ang gihulagwayan (a) ni Abraham, (b) ni Isaac, (c) sa alagad ni Abraham nga si Eliezer, (d) sa napulo ka kamelyo, ug (e) ni Rebeca?

14. Gimbut-an bang daan sa Diyos ang dulnganan ni Jacob ug ni Esau? (Gen. 25:23)

15. Sa unsang mga paagi si Raquel maoy maayong panig-ingnan sa usa nga nakigbisog gayod nga gigantihan ni Jehova? (Gen. 30:1-8) [w02 8/1 pp. 29-30]