AWIT 95
Ang Kahayag Nagakasanag
Giimprenta nga Edisyon
1. Mga propeta naghulat sa Kristo—
Bugtong paglaom sa katawhan.
Gibutyag sa Diyos, Mesiyas moabot,
Nga maghatag ug kaluwasan.
Oras na karon, Kristo nagmando na,
Dayag na presensiya niya.
Bulahan tang nakakat-on ning tanan
Kay atong dalan nalamdagan!
(KORO)
Atong agianan masanag,
Udtong tutok na ka hayag.
Ang Diyos nato ang nagagiya,
Sunda iyang pagpanguna.
2. Ang Diyos may gipiyalan nga ulipon
Sa pagtagana ug pagkaon.
Nagakasanag ang kamatuoran,
Kaisipan ta nalamdagan.
Di ta mapandol sa atong paglakaw
Kay hayag ang gilaktan ta.
Atong pasalamatan si Jehova
Sa paggiya n’ya sa dalan ta.
(KORO)
Atong agianan masanag,
Udtong tutok na ka hayag.
Ang Diyos nato ang nagagiya,
Sunda iyang pagpanguna.
(Tan-awa usab ang Roma 8:22; 1 Cor. 2:10; 1 Ped. 1:12.)