Basahon sa Diyos​—Usa ka Bahandi

1. Adunay libro nga kahibulongan,

Naghatag paglaom sa katawhan.

Ang mensahe niini inspirado,

Nga makahatag ug kalamdagan.

Kini mao ang Balaang Bibliya.

Ang mga magsusulat niini

Nahigugma gyod sa Diyos nga Jehova;

Inspirado sa espiritu n’ya.

2. Narekord ang asoy sa kalalangan,

Diyos ang naghimo sa atong yuta.

Ug ang tawo hingpit pa sa sinugdan,

Dayon ang Paraiso nawala.

Giasoy sab nga may usa ka anghel,

Mihagit sa soberanya ni Jah.

Pag-antos ug kamatayon ang bunga;

Apan wagtangon s’ya ni Jehova.

3. Karon ang panahon nga masadyaon

Kay nagmando na si Jesu-Kristo.

Mensahe sa Gingharian iwali,

Ug ang paglaom nga Paraiso.

Kining tanan nga maayong balita

Mabasa ta diha sa Bibliya.

Nagtanyag nig kalinaw sa katawhan;

Ang basahon nga para sa tanan.