Unsay Angay Natong Buhaton Aron Malipay ang Diyos?

Likayi ang daotan. 1 Corinto 6:9, 10

Kon atong gihigugma si Jehova, dili nato buhaton ang iyang gidumtan.

Dili gusto ni Jehova nga kita mangawat, maghubog, o magdroga.

Gidumtan sa Diyos ang pagpatay, aborsiyon, ug homoseksuwalidad. Dili niya gustong kita maghinakog o makig-away.

Dili ta angayng mosimba sa mga imahen o malangkit sa espiritismo.

Walay daotang makapuyo sa umaabot nga Paraisong yuta.

Buhata ang maayo. Mateo 7:12

Aron malipay ang Diyos, maningkamot kitang sundogon ang iyang mga hiyas.

Ipakita ang gugma sa uban pinaagi sa pagpakitag kaayo ug pagkamahinatagon.

Magmatinud-anon.

Magmaluluy-on ug magmapinasayloon.

Sultihi ang uban bahin kang Jehova ug sa iyang mga sukdanan.​—Isaias 43:10.