AWIT 139
Handurawa ang Bag-ong Kalibotan
1. Handurawa! Kitang tanan
Tua na sa bag-ong kalibotan.
Handurawa ang bation
Kon ang tanan magmalinawon.
Mawala na ang daotan,
Pagmando sa Diyos madaogon.
Atong kalibotan iyang bag-ohon,
Tanang tawo mag-awit nga malipayon:
(KORO)
“Salamat, Oh Diyos, sa kaayo mo.
Tanang butang gihimo mong bag-o.
Among kasingkasing mapasalamaton.
Oh Diyos nga Jehova, ikaw pagaday’gon.”
2. Handurawa! Ikaw, ako,
Nagatagamtam sa paraiso.
Way madungog ni makita
Nga makapahadlok kanato.
Saad sa Diyos mangatuman;
Katawhan iyang panalipdan.
Natulog sa kamatayon banhawon,
Sila moduyog sa atong alawiton:
(KORO)
“Salamat, Oh Diyos, sa kaayo mo.
Tanang butang gihimo mong bag-o.
Among kasingkasing mapasalamaton.
Oh Diyos nga Jehova, ikaw pagaday’gon.”
(Tan-awa usab ang Sal. 37:10, 11; Isa. 65:17; Juan 5:28; 2 Ped. 3:13.)