Gitugot ba sa Bibliya ang Diborsiyo?

Tubag sa Bibliya

Oo, gitugot kini sa Bibliya. Apan, si Jesus naghisgot ug usa lang ka rason nga makatapos sa kaminyoon. Siya miingon: “Bisan kinsa nga makigdiborsiyo sa iyang asawa, gawas kon tungod sa pakighilawas [pakigsekso sa dili kapikas], ug magminyog lain makapanapaw.”—Mateo 19:9.

Gidumtan sa Diyos ang pagdiborsiyo nga may daotang motibo. Manubag gayod kaniya kadtong mobiya sa ilang kapikas tungod sa mabaw nga mga rason, ilabina kon ang motibo mao ang pagminyog lain.—Malaquias 2:13-16; Marcos 10:9.