Kon Nganong Adunay Krisis sa Moralidad
SA MIAGING Oktubre usa ka magsusulat sa Loja, Ecuador, mipahayag ug apresasyon sa ministeryo sa mga Saksi ni Jehova. Lakip sa ubang mga butang, siya miingon:
“Usa sa labing daotang mga hampak nga nagsakit sa katawhan mao ang krisis sa moralidad . . . Mopatim-aw nga ang katawhan nalimot na sa pagtuman sa Napulo ka Sugo ug wala magpakabana sa ilang konsensiya, nga kana magpaimposible sa pagsinabtanay taliwala sa mga tawo. Sa bisan diin ug sa kada adlaw, makadungog kita bahin sa pagdumot, kabangisan, krimen, pamaligyag droga, terorismo, ug kakulang sa pagtahod alang sa tawhanong dignidad. . . .
“Ang mga Saksi ni Jehova, nga walay pagpagawal, naghimo sa ilang katungdanan sa malinawon ug kalmadong paagi, nga nagaduaw sa ilang mga silingan sa balay-balay, nagatanyag sa ilang duha ka nindot nga mga magasin, Ang Bantayanang Torre ug Pagmata!, diin gipatik ang labing makaiikag nga mga artikulo. Ang Pagmata! naghisgot ilabina sa nagkadaiyang makaiikag nga mga butang bahin sa dili-malalis nga siyentipikanhon ug kultural nga impormasyon. Kining tanan gisulat uban ang dalayegong katin-aw ug katukma.”
Ang krisis sa moralidad karong adlawa maoy dayag, apan sumala sa gipahayag sa panid 4 niining magasina diha sa seksiyong “Kon Nganong Gipatik ang Pagmata!,” ang Pagmata! “motugkad sa kahiladman ug mopunting sa tinuod nga kahulogan sa mga hitabo karon.” Ang brosyur nga Tinuod Bang May Pagtagad ang Diyos Kanato? nag-ila sa kalisdanang giantos sa mga tawo, apan labaw pa ang ginahimo niini. Ginapakita niini kon nganong nagalungtad ang krisis sa moralidad uban ang makalilisang nga mga sangpotanan niini. Mas hinungdanon, kini mobutyag kon sa unsang paagi ang kahupayan mabatonan sa dili na madugay.
Makahangyo ka ug usa ka kopya niining makalipayng 32-panid nga brosyur pinaagi sa pagpil-ap ug pagpadala sa nagaubang kupon ngadto sa adres nga gipakita diha sa kupon o ngadto sa nahiangayng adres nga gilista sa panid 5 niining magasina.
□ Interesado ako nga makadawat ug kopya sa brosyur nga Tinuod Bang May Pagtagad ang Diyos Kanato?
□ Palihog kontaka ako mahitungod sa usa ka libreng pagtuon sa Bibliya sa balay.