“Sobrag Kargang Planeta”—Aduna bay Kasulbaran?

Ang populasyon sa tibuok kalibotan miabot ug tulo ka bilyon sa 1960. Sa pagkatuig 2000, kana nga gidaghanon nadoble. “Ang gidaghanon sa katawhan nagpadayon sa pagtubo tungod kay dunay lima nga ipanganak matag segundo,” sumala sa mantalaang Vancouver Sun. Ang kalibotan karon adunay 23 ka dagko kaayong mga siyudad nga dunay mga populasyon nga kapin sa napulo ka milyong molupyo, ug sa pagka-2025 ang populasyon sa kalibotan gibanabanang moabot ug napulo ka bilyon!

Ang mga siyentipiko nagpahayag ug kabalaka sa sulirang ipatungha niini nga pagtubo sa huyang na nga mga ekosistema sa yuta. Matag bag-ong lungsoranon sa kalibotan nanginahanglan ug pagkaon, tubig, ug puy-anan, ug samtang nagatubo ang populasyon, ang konsumo ug basura modaghan usab. Ang suliran mao ang pagdumala sa dili-kapugngang pagtubo sa dagkong mga siyudad. Sumala sa Sun, kining dagkong mga siyudad ‘naghurot sa mga kahinguhaan gikan sa dagkong mga kabanikahan ug nagpatunghag dakong gidaghanon sa makahilong mga hugaw.’

Aduna bay kasulbaran sa giingong “sobrag kargang planeta?” Makalilipay, ang Bibliya nagsaad nga ang Diyos manginlabot sa mga kalihokan sa tawo. Kat-oni kon sa unsang paagi iyang buhaton kini ug kon unsay resulta unya. Imong mahimo kini pinaagi sa pagbaton sa librong Kahibalo nga Motultol sa Kinabuhing Walay Kataposan. Ikaw among gidasig nga mohangyo ug usa ka kopya pinaagi sa pagpil-ap sa nagaubang kupon ug pagpadala niini ngadto sa adres nga gitagana o ngadto sa nahiangayng adres nga gilista sa panid 5 niining magasina.

□ Interesado ako nga makadawat ug kopya sa librong Kahibalo nga Motultol sa Kinabuhing Walay Kataposan.

□ Palihog kontaka ako mahitungod sa usa ka libreng pagtuon sa Bibliya sa balay.