Ang Artikulo Miabot sa Tukma nga Panahon
“BUOT ko kamong pasalamatan tungod sa artikulong ‘Mga Patakpatak Atubangan sa Imong mga Mata?’ sa Hunyo 8, 2000, nga gula sa Pagmata!,” misulat si Gloria, kinsa nagpuyo sa Quebec, Canada. “Sa pipila ka tuig na karon, akong namatikdan ang gagmayng mga patakpatak ug giingnan ako nga normal ra kini. Karong bag-o nagsugod ko sa pagkakitag daghan pa, ug nakapatugaw kini kanako.
“Ang artikulo nag-ingon nga kon imong mamatikdan nga midaghan ang mga patakpatak, mas maayo nga imong ipahiling ang imong mga mata. Mao kana ang akong gihimo. Nagpakonsulta ko sa espesyalista sa mata, ug iyang nakaplagan nga dunay gisi ang akong retina. Gisugyot sa doktor ang gamayng operasyon pinaagig laser ug misulay sa pagpatin-aw sa pamaagi kanako. Akong gipakita kaniya ang ilustrasyon sa mata diha sa panid 24 sa Pagmata! Iyang gigamit ang ilustrasyon sa pagpatin-aw sa mga butang kanako ug dayon gitan-aw ang hapin ug miingon, ‘Oy—Pagmata! diay’ ug gitipigan ang magasin diha sa iyang payl.
“Nagmalamposon ang operasyon, ug malipayon kaayo ako. Tungod sa Pagmata! nasayran nakog sayo nga may sisi diay ang akong mata, kay kon wala pa, misamot na unta ka ukang ang akong retina.”
Bisan pag ang Pagmata! dili medikal nga magasin, sagad kining maglakip ug matulon-anong mga taho bahin sa maayong panglawas ug medisina. Bisan tuod ang labing maayong medikal nga pagtambal dili makahatag kanato ug hingpit nga panglawas, ang Maglalalang sa lawas sa tawo naghatag sa maong garantiya. Sa unsang paagi niya ayohon ang katawhan? Masaligan kaha ang iyang mga saad?
Imong makita ang tubag niini ug sa ubang mga pangutana diha sa 32-panid nga brosyur nga Tinuod Bang May Pagtagad ang Diyos Kanato? Tingali malipay ka sa pagbasa ilabina sa bahin 10, nga nag-ulohang “Ang Kahibulongang Bag-ong Kalibotan nga Hinimo sa Diyos.” Makahangyo ka niini nga brosyur pinaagi sa pagpil-ap sa nagaubang kupon ug sa pagpadala niini ngadto sa nahiangayng adres nga gilista sa panid 5 niining magasina.
□ Interesado ako nga makadawat ug kopya sa brosyur nga Tinuod Bang May Pagtagad ang Diyos Kanato?
□ Palihog kontaka ako mahitungod sa usa ka libreng pagtuon sa Bibliya sa balay.