Sa Unsang Paagi Disiplinahon ang mga Anak?

“Ang mga problema motungha kon ang mga anak dayegon bisag unsay ilang buhaton,” matod sa mantalaang National Post sa Canada. Ang ubang mga ginikanan nagtuo nga kining paagiha magpalig-on sa pagtamod sa kaugalingon sa ilang mga anak. Apan, matod sa sikologong si Roy Baumeister, “ang taas nga pagtamod sa kaugalingon maayo kon kini gipasukad sa tinuod nga kalamposan, apan ang angay nga hatagag dakong pagtagad sa mga ginikanan mao ang pagtudlo sa ilang mga anak sa pagpugong sa kaugalingon.”

Ang ginikanan nga mahadlok motul-id sa iyang anak kon kini masayop magadaot lamang sa iyang anak. Kon hunahunaon, ang pagtul-id maoy usa ka paagi sa pagtudlo. Sa ingon, magtudlo kini sa masalaypong anak nga dili na usbon ang mga kasaypanan. Siyempre, ang mga ginikanan kinahanglang maglikay sa pagtul-id diha sa maharason ug sobrang paagi kon itandi sa nahimong sayop. (Jeremias 46:28) Angay nilang tinoon nga ang pagtul-id dili maghinobra. Ang Bibliya nag-ingon: “Kamong mga amahan, ayaw palagota ang inyong mga anak, aron sila dili masubo.”​—Colosas 3:21.

Diha sa Bibliya, ang pagtul-id nalanggikit kanunay sa gugma ug kalumo, dili sa kasuko ug kapintas. Ang batid nga magtatambag kinahanglang ‘magmalumo sa tanan, . . . nagapugong bisan ilalom sa daotan, malumong nagatudlo niadtong nagasupak.’ (2 Timoteo 2:​24, 25) Busa, ang ginikananhong pagtul-id dili lang kay pagpahungaw sa kalagot sa ginikanan. Wala gayod uyoni sa Bibliya ang paggamit ug mga taktika nga makadaot sa bata sa pisikal ug emosyonal nga paagi.

Milyonmilyon sa tibuok yuta ang nakabatog kaayohan gikan niining 192-panid nga publikasyon. Lakip sa matulon-anong mga kapitulo niini mao ang “Bansaya ang Inyong Anak Sukad sa Pagkabata” ug “Tabanging Mouswag ang Inyong Anak nga Tin-edyer.” Alang sa imong kopya, palihog pil-api ang nagaubang kupon ug ipadala kana ngadto sa adres nga gipakita sa kupon o sa nahiangayng adres nga gilista sa panid 5 niining magasina. Makadawat kag espesipikong mga sugyot nga makatabang sa pagsulbad sa mga problema ug mahimo ang pamilyahanong kinabuhi nga malipayon nga maoy katuyoan sa Maglalalang.

□ Interesado ako nga makadawat sa librong Ang Sekreto sa Kalipay sa Pamilya.

□ Palihog kontaka ako mahitungod sa usa ka libreng pagtuon sa Bibliya sa balay.