“Palihog Tabangi Ako! Kamo Mao ang Bugtong Kong Paglaom”
MAO KANAY PANIKLOP NGA MGA PULONG sa sulat sa usa ka doktora didto sa Kaunas Medical University sa Lithuania nga gipadala ngadto sa buhatan sa mga Saksi ni Jehova sa maong nasod. Ang doktora mipatin-aw:
“Sa trabahoan gisugdan ko ang pagbasa sa librong Mga Pangutanang Gisukna sa mga Batan-on—Mga Tubag nga Mosaler. Giplanohan kong gamiton ang impormasyon gikan niana sa pipila sa akong mga artikulo, apan dunay nahitabo ug nawala ang libro. Dayag nga may mikuha niadto. Kini nakapahasol kaayo kanako—tungod kay nawad-an kog butang nga bililhon kaayo. Palihog padad-i intawon kog laing kopya.
“Gikinahanglan gayod nako kaayo kining libroha kay nagaduaw akog mga eskuylahan ug naggahin ug panahon uban sa mga batan-on, ug kining libroha nagatabang kanako nga matubag ang daghan nilang mga pangutana. Kon makadawat akog laing kopya, akong tipigan kini sa balay ug ampingan gayod kini. Kining libroha naundan ug bililhon kaayong butang, ug lagmit mao kanay hinungdan nga gikuha kini. Niining malisod nga mga panahon, kinahanglang dunay kakuhaan ug kalig-on. Palihog tabangi ako! Kamo mao ang bugtong kong paglaom.”
Ang librong Gisukna sa mga Batan-on nagtubag sa daghang pangutana nga gipamalandong sa mga batan-on, sama sa: “Unsay Akong Mahimo Aron ang Akong mga Ginikanan Mohatag Kanakog Dugang Kagawasan?,” “Angay Bang Mobiya Ako sa Balay?,” “Sa Unsang Paagi Makabaton Akog Tinuod nga mga Higala?,” “Unsang Karera ang Akong Pagapilion?,” “Unsay Ikasulti Bahin sa Sekso sa Dili pa Magminyo?,” ug “Unsaon Nako Pagkaila Kon Kini Tinuod nga Gugma?” Ang ibabaw maoy pipila lamang sa mga ulohan sa kapitulo. Aron makahangyo ug kopya niining libroha, pil-api ug ipadala ang kupon sa ubos ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.
□ Interesado ako nga makadawat sa librong Mga Pangutanang Gisukna sa mga Batan-on—Mga Tubag nga Mosaler.
□ Palihog kontaka ako mahitungod sa usa ka libreng pagtuon sa Bibliya sa balay.