“Kanunayng Basahon sa mga Estudyante”

USA ka tigdumala sa librarya nga taga-Divinópolis, sa estado sa Minas Gerais sa Brazil, misulat ngadto sa opisina sa mga Saksi ni Jehova sa Brazil bahin sa dakong interes nga gipakita sa mga estudyante sa magasing Pagmata! Siya misaysay:

“Diha sa librarya sa lokal nga eskuylahan nga akong gitrabahoan, usahay makadawat kami ug mga donasyon nga mga libro ug mga magasin nga gipatik sa [mga Saksi ni Jehova]. Bisan tuod halos walay estudyante dinhi nga Saksi ni Jehova, ang Pagmata! kanunayng basahon sa mga estudyante nga manukiduki bahin sa lainlaing mga ulohan. Pananglitan, ang isyu sa Septiyembre 8, 2000 mapuslanon kaayo tungod sa matulon-anong mga artikulo niini bahin sa Dula sa Olimpiada. Tungod niini, buot nakong hangyoon kamo nga padad-an kamig daghang lainlain nga isyu sa Pagmata! Nakaseguro ako nga kamo naikag usab sama nako sa pagtaganag makapadasig nga mga basahon alang sa atong mga batan-on.”

Sa panid 4, ang matag isyu sa Pagmata! nagbatbat kon nganong gipatik ang magasin. “Labing bililhon,” kini nagpatin-aw, “kining magasina mougmad sa pagsalig sa saad sa Maglalalang sa makigdaiton ug may-kasegurohang bag-ong kalibotan nga hapit nang mopuli sa tuman-kadaotan, malapasong sistema sa mga butang karon.”

Ang mga Saksi ni Jehova motagana usab ug mga brosyur nga espesipikong gidisenyo sa pagpalampos nianang katuyoana, ang usa niana may ulohang Unsa ang Katuyoan sa Kinabuhi? Sa Unsang Paagi Makaplagan Nimo Kini? Makahangyo ka ug kopya pinaagi sa pagpil-ap sa nagaubang kupon ug pagpadala niana ngadto sa adres nga gipakita sa kupon o sa nahiangayng adres nga nalista sa panid 5 niini nga magasin.

□ Interesado ako nga makadawat ug kopya sa brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini?

□ Palihog kontaka ako mahitungod sa usa ka libreng pagtuon sa Bibliya sa balay.