Kon sa Unsang Paagi Nakadaog Siya sa Unang Ganti

Usa ka batan-on misulat sa sangang buhatan sa mga Saksi ni Jehova sa Lusaka, Zambia, aron magpasalamat sa Pagmata! Siya miingon nga tungod niining magasina gihatag kaniya ang unang ganti diha sa usa ka bangga sa pagsulat alang sa mga estudyante sa hayskul. Ang mga estudyante gihatagag ulohan nga “Ang Lumba sa Kawanangan​—Ang Kinadak-ang Tig-usik-usik ug Salapi sa Kalibotan” ug giingnan nga manukiduki bahin sa maong ulohan. Ang batan-on miingon:

“Dihadiha nakaplagan ko ang Septiyembre 8, 1992, nga gula sa Pagmata! Ang magasin naundan sa ako gayong gipangita. Gigamit ko usab ang mga kinutlo gikan sa ubang mga gula sa Pagmata!” Ang unang-dapit nga ganti nga nadawat sa batan-on naglakip ug usa ka tseke nga $75. Mapasalamaton siyang miingon: “Alang sa daghang tawo, ang Pagmata! napamatud-an nga usa ka basahon nga takos gantihan.”

Sa dihang tagdon sa mga tawo sa tibuok kalibotan ang programa sa kawanangan​—nga naglakip sa mga paagi sa mga gobyerno sa pagpanalipod sa ilang mga teritoryo batok sa pag-atake​—daghan ang nahibulong kon aduna pa kahay usa ka kalibotan nga wala nay gubat. Kining pangutanaha mismo mao ang ulohan sa 32-panid nga brosyur nga nagtanyag ug kusganong pamatuod nga ang maong kalibotan mamatuman. Apan sa unsang paagi? ug kanus-a?

Gidapit ka namo sa pagbasa sa Will There Ever Be a World Without War? Makahangyo ka niining brosyura pinaagi sa pagpil-ap sa nagaubang kupon ug ipadala kini ngadto sa adres nga gipakita sa kupon o sa nahiangayng adres nga gilista sa panid 5 niining magasina.

□ Interesado ako nga makadawat ug kopya sa brosyur nga Will There Ever Be a World Without War?

□ Palihog kontaka ako mahitungod sa usa ka libreng pagtuon sa Bibliya sa balay.