Ikaw Gidapit—Atua Ka ba Unya Didto?

GIDAPIT NGADTO SA UNSA? Ngadto sa labing mahinungdanong tigom nga pagahimoon sa mga Saksi ni Jehova matag tuig​—ang paghandom sa kamatayon ni Kristo, pinasukad sa Panihapon sa Ginoo nga iyang gisugdan. Ang asoy ni Mateo nag-ingon kanato: “Si Jesus nagkuhag tinapay ug, human makapasalamat, siya nagpikaspikas niini ug, naghatag niini sa mga tinun-an, siya miingon: ‘Pagkuha kamo, kaon. Kini nagkahulogan sa akong lawas.’ Unya, siya nagkuhag usa ka kopa ug, human makapasalamat, siya naghatag niini kanila, nga nag-ingon: ‘Inom kamo gikan niini, kamong tanan; kay kini nagkahulogan sa akong “dugo sa pakigsaad,” nga igabubo alang sa daghan sa kapasayloan sa mga sala.’”​—Mateo 26:26-28.

Ang kahinungdanon niining mga pulonga ipatin-aw sa kasaulogan sa Panihapon sa Ginoo karong tuiga, nga pagahimoon sa Huwebes, Marso 28, human sa pagsalop sa adlaw. Kami nanghinaot nga atua ka unya didto. Palihog susiha ang mga Saksi ni Jehova alang sa tukmang oras ug dapit nga pagatigoman diha sa inyong lugar. Abiabihon ka gayod.