Gipanid-an Sila

DUHA ka tin-edyer ang mihapit sa usa ka restawran aron mamahaw diha sa usa ka gamayng lungsod sa Ohio, T.B.A. Kay nabatasan na nila, sa wala pa sila mikaon miduko sila sa ilang mga ulo ug hilom nga miampo.

Pagkahuman, ang usa ka babaye nga naniid kanila miduol sa ilang lamesa ug gikuha ang listahan sa ilang bayronon. Iyang giingnan sila: “Sa usa ka kalibotan diin daghan kaayong dili-maayong mga butang ang atong madungog bahin sa atong mga batan-on, makapalipay kaayo nga makakita ug duha ka batan-ong mga lalaki nga mogahin ug panahon sa pagpasalamat sa Diyos alang sa ilang pagkaon. Gusto nako nga akoy mobayad sa inyong pamahaw.”

Nakurat ang batan-ong mga lalaki apan nakapasalamat sila sa babaye. Human niana naghunahuna sila nga dili mahimong pasagdan lang nila ang babaye nga maghunahuna nga nag-ampo sila sa kon kinsa lang nga Diyos. Busa ang usa kanila miduol sa babaye ug, human magpasalamat kaniya pag-usab, mipatin-aw nga sila mga Saksi ni Jehova.

Nabatasan sa mga Saksi ni Jehova nga magtuon sa Bibliya uban sa ilang mga pamilya. Mao kini ang gihimo sa mga ginikanan niining mga batan-ona. Ang usa sa mga publikasyong gitun-an sa mga pamilya mao ang Kahibalo nga Motultol sa Kinabuhing Walay Kataposan. Sa 19 ka kapitulo niini, kining libroha adunay artikulo mahitungod sa pag-ampo nga nag-ulohang “Kon Unsaon Nimo Pagduol sa Diyos.”

Mahimo kang mohangyo ug kopya niining 192-panid nga tabang sa pagtuon sa Bibliya pinaagi sa pagpil-ap sa nagauban nga kupon ug sa pagpadala niini ngadto sa adres nga gihatag o sa nahiangayng adres nga gilista sa panid 5 niining magasina.

□ Interesado akong makadawat ug kopya sa librong Kahibalo nga Motultol sa Kinabuhing Walay Kataposan.

□ Palihog kontaka ako mahitungod sa usa ka libreng pagtuon sa Bibliya sa balay.