Nakadayeg ang Magtutudlo sa Astronomiya

Nakadayeg sa unsa? Sa librong Is There a Creator Who Cares About You? Usa ka magtutudlo nga taga-Novo-Sakmarsk, Rusya, misulat ngadto sa sangang buhatan sa maong nasod. Uban sa usa ka hangyo alang sa dugang impormasyon, siya miingon:

“Pipila ka adlaw ang miagi, nahibalag ko ang dugay ko nang kaila, ug miadto ako sa iyang balay. Nakakita akog makaiikag, makapadani kaayo nga libro diha sa iyang butanganag libro. Ang ulohan nakapainteres kanako​—Is There a Creator Who Cares About You?​—apan labi na gayod ang hulagway diha sa hapin. Usa ako ka magtutudlo sa pisika ug astronomiya. Sa dihang gisusi ko ang libro, nakadayeg ako sa kadaghan sa impormasyon nga anaa niini. Ang among pamilya wala maghisgot bahin sa relihiyon sulod na sa tulo ka kaliwatan. Ang akong apohan sa tuhod nga babaye relihiyoso kaayo, apan ang akong Lola maoy usa ka Komunista, ug sila (mga Komunista) wala magtuo sa usa ka Maglalalang.

“Ingong magtutudlo sa astronomiya, obligado akong mosulti sa mga bata bahin sa nagkalainlaing mga teoriya sa sinugdanan sa uniberso. Akong gibasa ang inyong libro gikan sa sinugdanan hangtod sa kataposan ug dayon nakahukom sa pagsulat kaninyo uban sa akong adres. . . . Nanghulam pa gani kog Bibliya aron akong mabasa dayon ang mga teksto.

“Daghan kaayong salamat niining libroha! Tingali naulahi na ako sa pagsulat, tungod kay ang libro giluwatan niadto pang 1998, apan nanghinaot kong makadawat gihapon ug impormasyon gikan kaninyo.”

Malipay ming moingon nga ikaw usab mahimong makahangyog kopya niining 192-panid nga libro pinaagi sa pagsulat sa nagaubang kupon ug sa pagpadala niana ngadto sa adres nga gitagana o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong Is There a Creator Who Cares About You?

□ Palihog kontaka ako mahitungod sa usa ka libreng pagtuon sa Bibliya sa balay.

[Picture Credit Line sa panid 32]

J. Hester and P. Scowen (AZ State Univ.), NASA