Napalihok Niini ang Batan-ong Lalaki nga Susihon ang Iyang Kinabuhi
◼ Sa miaging tuig usa ka batan-ong lalaki ang misulat sa usa ka sangang buhatan sa mga Saksi ni Jehova. Iyang gisaysay nga gihatagan siya sa iyang apohang babaye ug kopya sa librong Ang Labing Bantogang Tawo nga Nabuhi Sukad. “Gibutang nako kana sa estante,” siya miingon. Apan ning bag-o lang siya grabeng nasakit, nga naghunahuna pa gani nga siya lagmit mamatay.
“Usa ka butang ang nakatukmod kanako sa pagkuha niining libroha,” siya miingon. “Gisugdan nakog basa ang libro nga may pagduhaduha. Apan human kana mabasa, ako nakahinapos nga ako nagkinabuhi sa dili hustong paagi. Misugod ako sa pag-ampo sa Diyos.”
“Human ako maulii sa akong sakit,” siya misaysay, “gibasa nako pag-usab ang libro sa ikaduhang higayon. Sa akong katingala, aduna pa gihapon akoy nakat-onan nga bag-ong mga butang. Akong nasabtan nga bisan tuod ang pag-ampo ngadto sa Diyos ug pagbasa ug literatura sa Bibliya hinungdanon, dili pa kini igo. Ang labing hinungdanon mao ang pagdeboto sa atong kinabuhi ngadto sa Diyos ug pagtabang sa ubang mga tawo sa pagbaton ug pagtuo kaniya. Sumala sa akong nakat-onan gikan sa ilustrasyon bahin sa mga mina, kita kinahanglang maghago aron sa pagpauswag sa Gingharian sa Diyos.”—Lucas 19:13-27.
Agig panapos, ang lalaki misulat: “Buot kong magpasalamat sa mga Saksi ni Jehova alang niining ekselenteng libro nga nakapausab sa akong kinabuhi. Buot kong makadawat ug dugang impormasyon ug magtuon sa Bibliya. Apan ang akong kinadak-ang tinguha mao ang pag-alagad kang Jehova sa tibuok kong kinabuhi, nga tabangan ang uban nga makabaton ug pagtuo kaniya.”
Ang librong Ang Labing Bantogang Tawo nga Nabuhi Sukad naglakip sa mga wali ni Jesus maingon man sa iyang mga ilustrasyon ug mga milagro. Kutob sa mahimo, ang tanan giasoy nga sunodsunod sumala pagkahitabo niini. Ug makita diha sa libro ang maanindot, realistiko nga mga ilustrasyon nga gidisenyo aron masabtan ang pagbati ni Jesus ug sa iyang mga katalirongan.
Kon interesado kang makabaton ug kopya niining 448-panid nga libro, palihog sulati ang nagaubang kupon ug ipadala kana ginamit ang adres nga gitagana o ang nahiangayng adres sa panid 5 niining magasina.
□ Interesado akong makadawat ug kopya sa librong Ang Labing Bantogang Tawo nga Nabuhi Sukad.
□ Palihog kontaka ako mahitungod sa usa ka libreng pagtuon sa Bibliya sa balay.