“Usa ka Ekselenteng Tabang sa Pagpanudlo!”

Mao kana ang gisulat sa usa ka bug-os-panahong ministro sa mga Saksi ni Jehova sa Panama bahin sa Unsay Tinuod nga Gitudlo sa Bibliya?—usa ka dekolor, 224-ka-panid nga libro nga maoy ginagamit karon sa pagtuon sa Bibliya. “Talagsaon kini tungod kay kini mubo, daling masabtan, ug makapakombinsir,” siya miingon. “Ang bag-ong paagi sa paggamit sa mga reperensiya ug mga apendise makapalihok dayon sa usa sa pagsusig dugang kon unsa gayoy gitudlo sa Bibliya.”

Usa ka magtutudlo sa Bibliya sa Missouri, U.S.A., misulat: “Nagustohan nako ang kayano sa pagkasulat niini. Ang pagkasunod-sunod sa ulohan mao ang kinamaayohang pagkaorganisar nga akong nakita sukad.” Sa dihang ang librong Gitudlo sa Bibliya mabatonan na, gidala dayon kini sa magtutudlo ngadto sa usa ka babaye nga misulay pagtuon kaniadto sa Bibliya apan naluya.

Ang magtutudlo miasoy: “Wala pa gani siya makahumag basa sa unang kapitulo, giteleponohan na ko niya aron sultihan ko nga nagustohan gayod niya kini.” Miingon ang estudyante nga gibati niyang morag gituyo pagsulat ang maong libro alang kaniya ug gusto niyang ipadayon ang pagtuon sa Bibliya. Matod pa sa magtutudlo nga human nila matun-i ang unang napulo ka kapitulo, makapadasig gayod nga makitang nalipay ang estudyante sa mga butang nga iyang nakat-onan.

Bisag wala pay duha ka tuig sukad nga giluwatan ang librong Gitudlo sa Bibliya, kapin na sa 50 ka milyon ka kopya niini ang napatik diha sa kapin sa 150 ka pinulongan. Makahangyo kag kopya niini pinaagi sa pagpil-ap sa nagaubang kupon ug pagpadala niini ngadto sa gitaganang adres o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.