“Nindot Kaayo Kini!”

◼ Mao kanay giingon sa usa ka direktor sa surbi sa kaminyoon bahin sa librong Ang Sekreto sa Kalipay sa Pamilya. Usa sa mga magtiayon nga gisurbi ang naghatag kaniya niining libroha ug nagpatin-aw nga ang ilang pagtuon niana nakatabang sa pag-andam sa ilang kaminyoon.

Gisulatan sa direktor ang magtiayon aron pasalamatan sila sa ilang “nindot nga gasa” kaniya. Dayon iyang gipahayag nga siya naglaom nga ang magtiayon nga sama kanila makatudlo unta sa uban kon “sa unsang paagi molig-on ug magmalipayon ang kaminyoon.” Siya masaligon nga ang mga publikasyon nga sama sa Ang Sekreto sa Kalipay sa Pamilya makatabang sa mga magtiayon sa pagsulbad sa mga suliran nga lagmit motungha. Namatikdan sa direktor nga kining magtiayona adunay lig-ong pagtuo ug pagsalig sa Diyos.

Ang direktor misaysay nga ang libro iyang ibutang sa iyang lamesa ug ipakita kini sa iyang mga estudyante sa dihang sila magpatambag bahin sa kaminyoon. “Wala pa gayod ako makakitag libro nga sama niini,” siya mihinapos, “ug nindot kaayo kini!”

Ang librong Ang Sekreto sa Kalipay sa Pamilya nakatabang na sa daghang magtiayon sa tibuok yuta. Makatabang usab kini kanimo sa pagpadapat sa mga prinsipyo sa Bibliya nga makahimo sa imong pamilyahanong kinabuhi nga malipayon.

Makahangyo kag kopya niining 192-panid nga libro pinaagi sa pagpil-ap sa kupon sa ubos ug pagpadala niini ngadto sa adres nga makita diha sa kupon o sa tukmang adres nga gilista sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.