Ang Bibliya—Kon Nganong Angay Kang Mahibalo sa Mensahe Niini
● Ang Bibliya mao ang labing kaylap nga basahon nga napanagtag sa tibuok kasaysayan, ug daghan ang nagpabili niini. Gamiton kini sa pagpanumpa diha sa mga korte ug kadtong bag-ong natudlo sa posisyon nga opisyales magpatong sa ilang kamot diha sa Bibliya sa dihang sila manumpa. Ang kahibalo sa Bibliya mao ang labing hinungdanong edukasyon nga mabatonan sa usa ka tawo.
Daghan ang mouyon nga moarang-arang ang kahimtang sa kalibotan kon ang mga tawo mobasa sa Bibliya ug magpadapat niana. Ang brosyur nga Ang Bibliya—Unsay Mensahe Niini?, nga may 32 ka panid ug nindot nga mga hulagway, makatabang kanimo nga mahibalo sa gitudlo sa Bibliya. Ang unang duha ka seksiyon niini nagsaysay kon sa unsang paagi ang Maglalalang nagtaganag paraiso para sa mga tawo ug kon sa unsang paagi kana nawala. Sa sunod nga mga seksiyon mabasa ang sumaryo sa kasaysayan sa kaliwatan sa gitudlo sa Diyos nga Hari sa iyang Gingharian o gobyerno nga mopasig-uli sa Paraiso dinhi sa yuta.
Ang nagsunod nga mga seksiyon nagsaysay bahin sa kinabuhi, ministeryo, milagro, kamatayon, ug pagkabanhaw sa gitudlo sa Diyos nga Magmamando, si Jesu-Kristo. Dayon, ang sunod-sunod nga upat ka seksiyon naghisgot bahin sa ministeryo, lig-ong pagtuo, ug sa inspiradong mga sinulat sa mga sumusunod ni Jesus sa unang siglo. Ikaw madasig sa seksiyon nga nag-ulohang “Ang Paraiso Napasig-uli!” ug sa nindot nga mga hulagway sa kataposang panid nga nag-ulohang “Ang Mensahe sa Bibliya—Sumaryo.”
Kon gusto kag kopya niini nga brosyur, palihog pil-api ang kupon ug ipadala kini sa nahiangayng adres nga anaa sa panid 5 niining magasina.
□ Interesado akong makadawat ug kopya sa brosyur nga gipakita dinhi.
□ Palihog kontaka ako bahin sa usa ka libreng pagtuon sa Bibliya sa balay.