SENAA

Kapin sa 3,000 ka “mga anak sa Senaa” ang namalik gikan sa pagkadestiyero sa Babilonya uban kang Zorobabel niadtong 537 W.K.P. (Esd 2:​1, 2, 35; Neh 7:38) Lagmit nga ang Senaa mao ra ang Hasenaa, usa ka ngalan nga may Hebreohanon nga tinong artikulo nga ha(s).​—Neh 3:3.

Daghan sa mga ngalan diha sa mga talaan sa Esdras 2 ug Nehemias 7 maoy mga dapit inay nga mga tawo, ug tungod niana gituohan sa pipila nga ang Senaa maoy usa ka dapit nga A ug diyutay sa Jerico, diin si Eusebius ug Jerome naghisgot sa usa ka torre nga “Magdalsenna.” (Onomasticon, 154, 16, 17) Gituohan nga lagmit mao kini ang Khirbet al Beiyudat (Horvat ʼel-Beidat) nga mga 11 km (7 mi) sa AAS sa Jerico.