JEHOSEBA

[Si Jehova Maoy Dagaya].

Asawa sa Hataas nga Saserdoteng si Jehoiada; anak nga babaye ni Haring Jehoram sa Juda, apan dili pinaagi sa iyang asawa nga si Atalia. Ang iyang ngalan giespeling usab nga “Jehosabet.” (2Cr 22:11) Human mamatay ang iyang igsoong lalaki (o igsoong lalaki sa amahan) nga si Haring Ahazias, si Jehoseba nagtago sa masusong anak nga lalaki ni Ahazias nga si Jehoas aron makaikyas sa pagpamatay ni Atalia sa harianong kaliwat. Si Jehoiada ug Jehoseba nagtago sa ilang pag-umangkong lalaki diha sa ilang mga lawak sa templo sulod sa unom ka tuig sa wala pa si Jehoiada magpagula kaniya aron iproklamar ingong hari. (2Ha 11:1-3; 2Cr 22:10-12) Ang gibuhat ni Jehoseba, uban nianang sa iyang bana, maoy pagbuot sa Diyos aron matipigan ang harianong linya sa kaliwat gikan kang David hangtod sa Mesiyas.