JOKTAN

Kaliwat ni Eber, igsoong lalaki ni Peleg, ug amahan sa 13 ka anak nga lalaki. (Gen 10:25-29; 1Cr 1:19-23) Ang mga ngalan sa pipila ka kaliwat ni Joktan mopatim-awng nagpabilin sa lainlaing dapit sa H ug HK sa Arabia. Gikaingon nga si Joktan mao ang ginikanan sa orihinal nga katawhan sa Arabia, nga lahi sa mga tribo nga naggikan sa mga anak ni Abraham pinaagi kang Agar ug Ketura. Ang geograpikanhong mga utlanan sa teritoryo nga gipuy-an sa mga kaliwat ni Joktan gihubit sa Bibliya nga “nagsukad sa Mesa hangtod sa Separ” (Gen 10:30), apan ang eksaktong dapit nga gikobrehan niini dili matino.