PALTIEL

[Ang Diyos Maoy Akong Magtatagana ug Kaikyasan].

1. Hawas sa Isacar sa panahong ang mga tribo nagbahinbahin sa Yutang Saad ingong mga pahat nga panulondon; anak nga lalaki ni Azan.​—Num 34:​17, 18, 26.

2. Anak nga lalaki ni Lais nga taga-Galim. Human pakalagiwa ni Saul si David, gikuha ni Saul ang iyang anak nga babayeng si Mikal nga asawa ni David ug gihatag kini sa kaminyoon kang Palti (Paltiel). (1Sa 25:44) Sa dihang nahimong hari si David, gisugo niya si Abner ug Is-boset nga ibalik kaniya si Mikal. Nakapasubo kaayo kini kang Paltiel nga misunod kang Mikal nga naghilak hangtod nga gisultihan siya ni Abner sa pagpauli.​—2Sa 3:13-16.