SAALBIM

Usa ka siyudad kansang Amorihanong mga molupyo gipailalom sa pinugos nga trabaho sa banay ni Jose. (Huk 1:35) Sa ulahi, ang Saalbim gilakip sa usa sa mga distrito nga nagtaganag pagkaon sa panimalay ni Solomon matag tuig. (1Ha 4:7-9) Kasagarang gituohan nga mao ra usab kini ang Saalabin, usa ka utlanang siyudad sa Dan. (Jos 19:40-42) Adunay kalainan lamang sa kataposang konsonante sa Hebreohanong espeling niining duha ka ngalan. Ang Saalbon lagmit maoy laing ngalan sa Saalbim.​—2Sa 23:32; 1Cr 11:33.

Gituohan nga ang Saalbim mao ang biniyaan nga balangay sa Selbit (Tel Shaʽalvim), nga daw maoy nagpreserbar sa Biblikanhong ngalan niini. Kini nahimutang mga 25 km (16 mi) sa KAK sa Jerusalem ug duolduol ra sa gituohang mga nahimutangan sa ubang mga dapit nga gihisgotan uban sa Saalbim diha sa Kasulatan.