LINGKORANAN

Usa ka mabalhinbalhin nga lingkoranan o katre nga sagad adunay atop-atop ug gitabilan ang mga kilid, nga gidisenyo aron ang tawong inila nga naglingkod o naghirag mahimong dad-on sa mga tawo o sa mga mananap nga luwanan; usa ka palanquin (matang sa lingkoranan) nga gipas-an sa mga tawo ingon sa gihimo sa mga taga-Sidlakan. Ang harianong lingkoranan ni Haring Solomon maoy gama sa kahoyng sedro sa Lebanon, nga may mga haligi nga plata ug mga sangga nga bulawan, ug ang lingkoranan niini kinutsonan sa mahalon ug maanindot nga balhibo sa karnero nga tininag morado. Ang sulod nga bahin niini gidayandayanan pag-ayo, lagmit pinaagig ebano.​—Aw 3:7-10, ftn sa Rbi8.

Ang andas, o mabalhinbalhin nga higdaanan alang sa patay, nga gigamit sa pagyayong sa patayng lawas nailhan ingong so·rosʹ.​—Luc 7:14.