HIN

Usa ka sukod alang sa butang nga likido (Ex 30:24; Num 28:14; Eze 45:24; 46:​5, 7, 11); kini maoy ngalan usab sa sudlanan sa pagsukod sa usa ka hin. (Lev 19:36) Sumala sa Hudiyong historyador nga si Josephus, ang usa ka hin maoy katumbas sa duha ka Atenyanhong chous; ang usa ka bath maoy katumbas sa 72 ka sextarius. (Jewish Antiquities, III, 197 [viii, 3]; VIII, 57 [ii, 9]) Sanglit ang ubang mga tinubdan nagpaila nga ang duha ka Atenyanhong chous maoy katumbas sa 12 ka sextarius, ang hin mahimong banabanaon nga katumbas sa ikaunom nga bahin sa usa ka bath o mga 3.67 L.

Ang Kasulatan naghisgot usab ug mga bahin sa usa ka hin: katunga, ikatulo, ikaupat, ug ikaunom; kining ikaunom nga bahin mao ang inadlaw nga rasyon sa tubig nga gihatag kang Ezequiel sa dihang gilarawan ang grabeng kahimtang nga modangat sa gilikosan nga Jerusalem.​—Ex 29:40; Lev 23:13; Num 15:4-7, 9, 10; 28:​5, 7; Eze 4:11; 46:14.