Mga Pangutana Gikan sa mga Magbabasa

Kon ang lalaki ug babaye tibuok gabiing nagkauban sa balay ilalom sa dili nahiangayng kahimtang, matawag ba nag sala nga nagkinahanglag hudisyal nga aksiyon?

Oo, kon walay makataronganong rason, magpormag hudisyal nga komite base sa mga situwasyon nga lig-ong magpamatuod nga dunay nahitabong seksuwal nga imoralidad.​—1 Cor. 6:18.

Timbangtimbangon pag-ayo sa mga ansiyano sa kongregasyon kon kinahanglan bang magpormag hudisyal nga komite. Pananglitan: Duna ba silay romantikong relasyon? Natambagan na ba sila sa una maylabot sa ilang paggawi sa usag usa? Unsay mga rason kon nganong nagkauban sila? Giplano ba ni nila? Duna ba unta silay mahimo aron malikayan kini, o naa bay makataronganong mga rason​—tingali wala damhang panghitabo o tinuod nga emerhensiya nga tungod niana, wala na silay mahimo kondili magkauban sa balay sa tibuok gabii? (Eccl. 9:11) Asa natulog ang matag usa? Kay lahi ang matag situwasyon, may uban pa tingaling importanteng butang nga angayng konsiderahon sa mga ansiyano.

Human makompirmar ang tanang impormasyon, desisyonan sa mga ansiyano sa kongregasyon kon gikinahanglan ba ang hudisyal nga aksiyon.