Repaso sa Teokratikanhong Tunghaan sa Ministeryo

Ang mosunod nga mga pangutana hisgotan sa Teokratikanhong Tunghaan sa Ministeryo sa semana nga magsugod sa Pebrero 25, 2013. Gilakip ang petsa diin gieskedyul ang panaghisgot sa matag punto aron makapanukiduki dihang mangandam alang sa tunghaan sa matag semana.

1. Nganong si Jesus miingon nga malipayon “kadtong nagbangotan”? (Mat. 5:4) [Ene. 7, w09 2/15 p. 6 par. 6]

2. Sa modelong pag-ampo nga gitudlo ni Jesus sa iyang mga tinun-an, unsay iyang gipasabot sa dihang siya miingon: “Ayaw kami dad-a ngadto sa tentasyon”? (Mat. 6:13) [Ene. 7, w04 2/1 p. 16 par. 13]

3. Nganong miingon man si Jesus nga dili makompleto paglibot sa iyang mga tinun-an ang dapit nga ilang sangyawan “hangtod moabot ang Anak sa tawo”? (Mat. 10:23) [Ene. 14, w10 9/15 p. 10 par. 12; w87 8/1 p. 8 par. 6]

4. Unsang duha ka butang ang gipasiugda sa ilustrasyon ni Jesus bahin sa lugas sa mustasa? (Mat. 13:31, 32) [Ene. 21, w08 7/15 p. 17-18 par. 3-8]

5. Unsang leksiyon ang gitudlo ni Jesus sa dihang siya miingon: “Gawas kon kamo motalikod ug mahimong sama sa mga bata, dili gayod kamo makasulod sa gingharian sa mga langit”? (Mat. 18:3) [Ene. 28, w07 2/1 p. 9-10 par. 3-4]

6. Unsay kahulogan sa mga pulong ni Jesus nga “ikaw mismo ang nag-ingon niini”? (Mat. 26:63, 64) [Peb. 11, w11 6/1 p. 18]

7. Nganong gitawag si Jesus nga “Ginoo bisan sa igpapahulay”? (Mar. 2:28) [Peb. 18, w08 2/15 p. 28 par. 7]

8. Nganong gitawag man ni Jesus ang iyang mga tinun-an ingong iyang inahan ug mga igsoon, ug unsay atong makat-onan niini? (Mar. 3:31-35) [Peb. 18, w08 2/15 p. 29 par. 5]

9. Diha sa Marcos 8:22-25, ngano kahang anam-anam nga giayo ni Jesus ang panan-aw sa tawong buta, ug unsay atong makat-onan niini? [Peb. 25, w00 2/15 p. 17 par. 7]

10. Diha sa Marcos 8:32-34, unsay atong makat-onan sa reaksiyon ni Jesus sa pagbadlong ni Pedro kaniya? [Peb. 25, w08 2/15 p. 29 par. 6]