ISHOMO RYA 11

Okutagatirwa

Abarooma 12:11

EMPINYE: Higa abakuhurikize kugira eki bakora ori kugamba n’omuhimbo.

Gamba ebirugire aha mutima. Waba ori kutebekanisa ekicweka cawe, tekateka aha mugasho gw’enyegesa yawe. Gezaho kucenga ge ebi waza kwegesa kugira ngu obigambe obyihire aha mutima.
Tekateke aha bakuhurikize. Tekateka aha ku ebi waza kushoma ninga ebi waza kwegesa biragasire abandi. Ronda omuringo ogu orabigambemu oguratume abakuhurikize bashemererwa.
Gamba oyine obutagasi. Gamba n’omuhimbo. Ebimanyiso by’omubiri n’oku ori kurebeka aha misho nibyereka enyehurira ezi oyine.

Koresa obumanyiso bwine eki buri kumanyisa atari okujabiriza abakuhurikize ori kugaragarukamu obumanyiso bumwe. Yereka obutagasi waba ori kwegesa enshonga nkuru kandi ohige abakuhurikize kugira eki bakora. Otaremesa abakuhurikize ori kurengesereza omu kutagatirwa.