BA OMUKRISTO MURUNGI

**Koresa Shemerererwa amagara ebiro byona! omu murimo g’okuburira**

Ku nikitushemeza munonga kuba twatunga akatabo n’ekitabo by’okwegesezamu Bibuli! Nitushaba Yehova ngu ayije kutuha omugisha ahabw’amani agu turi kutaho ngu tuhindure abantu abegi. (Mat 28:18-20; 1Kor 3:6-9) Ni bata oku turi kukoresa ebi bikoreso bisya?

Akatabo Shemerererwa amagara ebiro byona!, k’okutandikiramu kwega Bibuli, nikereka oburyo busya bw’okwegesa Bibuli; waba ori kutebekanisa ninga ori kwegesa kuratiza obu buhabuzi.a

Mushome ahu murayege, rero muganire aha bibuzo
Mushome enyiriri ezihandikireho ngu “shoma”, kandi okwase omwegi kumanya oku ari kubasa kubita omu bikorwa
Muzane za vidiyo kandi muziganireho muri kukoresa ebibuzo ebi muhibwe
Mwaba muri kwega mugezeho kuhendera ishomo ryona

Omu murimo g’okuburira, ha akatabo omuntu owayereka ku yashemerererwa amazima. (Reba akashanduku akari kugira ngu: “Oku turi kugaba akatabo Shemerererwa amagara ebiro byona! omurundi g’okubanza.”) Mwamara kwega ako katabo kona muri hamwe kandi omwegi acayenda kugumizamu kwega, muhe ekitabo, rero mutandikire ah’ishomo rya 04. Yaba ori kwegesereza omwegi omu kitabo Bibuli netwegesa ki? ninga ekitabo Guma Omuri Rukundo ya Ruhanga, mutware omu kitabo Shemerererwa amagara ebiro byona! orebe ahu muri kubasa kutandikira.

Wa mushija n’omukazi bari kukoresa ekitabo “Shemerererwa amagara ebiro byona!” omu kwegesa wa mushija omu ka yeye.

MUREBE VIDIYO EYINE OMUTWE OGURI KUGIRA NGU NITUKWAKIRA OMU KWEGA BIBULI, BWANYIMA MUGARUKEMU EBI BUBUZO:

Ni enki eki abegi ba Bibuli barije kwegera omu kitabo kisya?
Ahabw’enki oshemerire kwereka omwegi musya egi vidiyo?
Ni ziha ntego ezi ori kubasa kuhiga omwegi kweteraho kandi akazihikaho?—Reba akashanduku akine omutwe oguri kugira ngu “Eby’okutaho omutima n’entego z’omwegi ahari buri mutwe.”

a EBY’OKWETONDERA: N’obu ebiri ahaasi y’omutwe oguri kugira ngu, “Condoza” mutari kugemwa kubikoresa mwaba muri kwega, kwata obwire obijwijume waba ori kutebekanisa. Eco nikija kutuma wamanya ebi omwegi ari kwetenga n’oku ori kubasa kumukwasa. Ekitabo c’ahari intaneti kirimu za linki eziri kukukwasa kuhika ahari za vidiyo n’aha bindi bitabo.

Eby’okutaho omutima n’entego z’omwegi ahari buri mutwe
	AMASHOMO	EBY’OKUTAHO OMUTIMA	ENTEGO Z’OMWEGI
1	01-12	Yetegereze oku Bibuli eri kubasa kukukwasa n’oku ori kubasa kumanya omuhandiki wayo	Reba ebi Ruhanga yatukorire n’okuramya okuri kumushemeza
2	13-33	Yetegereze eki Ruhanga ari kushaba abari kumuramya	Manya oku ori kubasa kuguma omuri rukundo ya Ruhanga
3	34-47	Higa omwegi kushoma Bibuli, kutebekanisa ahu arayege n’okutandika kwija omu nterane	Higa omwegi kugambira abandi ebi ari kwega kandi ayetereho entego y’okuba omuburizi
4	48-60	Higa omwegi kweha Yehova kandi akabatizibwa	Yegesa omwegi kutanisa ekirungi n’ekibi n’okugira entunguka omu by’omwika