YEʼJUN 6
¿U je tɨ kuxpan u pete ke a laj chɨmijob?
1. ¿U je te sujné tɨ kuxpan aj chɨmejob?
Umpʼe kʼin, ke ajní aj Jesús pan Kaʼb, chɨmí u yamigu aj Lázaru. Une kuxlí tɨ Betania, nɨtsʼɨ tɨ Jerusalén. Al kʼotik aj Jesús, aj Lázaru ajní chempʼe kʼin chɨmen. Bixi aj Jesús tʼo ij Marta i tʼo ij María, u chichob aj Lázaru, ka mujkí, tsʼitaʼ tiempu numí i laj kʼotí ni gente. ¿A chen pensá ni chʼajaljin tuba ij Marta i tʼo ij María al u chinenob ke aj Jesús u kuxpesí u sukún? Tsikí tɨ Juan 11:21-24, 38-44.
Ij Marta u winaʼtí ke aj Jehová u je u kuxpesan aj chɨmejob, kʼa kuxlíkob pan Kaʼb. Tsikí tɨ Juan 11:24.
2. ¿Kácheʼda yaʼan ni aj chɨmejob?
Dios u yelbí aj Adán: «Kʼa ane pupuʼkapʼet i de pupuʼkaʼb a je te sujné.» (GÉNESIS 3:19)
Ni personajob chere anonla de «pupuʼkaʼb» (Génesis 2:7; 3:19). Mach espíritujonla ke yaʼan tɨ kuxlé tan u kuerpu personajob. Chere anonla ta kuxlíkonla pan Kaʼb, i mach kɨ chela seguí tɨ kuxlé al chɨmíkonla. Jimba kʼin ke a kɨ chɨmola u chɨmó ni kɨ kʼajalinla i maniʼ kuyila niʼ umpʼe kosa. Jinukʼa aj Lázaru, de yai ke kuxpí, mach u tsʼajkí ke u numsí ni umpʼe kosa jimba tiempu ke ajní chɨmen, kʼa «ni aj chɨmejob, maniʼ u winaʼtajob niʼ umpʼe kosa» (Eclesiastés 9:5). Tsikí tɨ Juan 11:11-14.
Yaʼan yebé u yeleʼ ke Dios u yekʼe u tojeʼ u pekadu ni personajob tan kʼakʼ al chɨmik, peru jin, mach tu tojá. Kaʼ chi a kɨ chinila, ni aj chɨmejob maniʼ u winaʼtajob niʼ umpʼe kosa. Lu ke u yeʼkan de ke ni gente u pulkan tan kʼakʼ, jin u chen ofendé ni aj Jehová. Une ni Dios de yajinlé i mach u yɨʼbe kʼuxe ni gente. Tsikí tɨ 1 Juan 4:8.
3. ¿Puede kɨ chenla tsʼají tʼo ni aj chɨmejob?
Ni aj chɨmejob mach puede u chenob tsʼají i mach u niʼ yubíjob (Salmo 115:17). Peru yaʼan yebé ángelob aj xuxlejob ke puede u chenob tsʼají tʼo ni gente i u chen-ubajob kaʼ ni personajob ke a laj chɨmijob (2 Pedro 2:4). Jinukʼa, aj Jehová mach yo ke ajnékonla kɨ sakɨnla kɨ chenla tsʼají tʼo aj chɨmejob. Tsikí tɨ Gálatas 5:20, 21.
4. ¿Kátak u je te sujné tɨ kuxlé?
Millonob de personajob ke a laj chɨmijob u je te sujné tɨ kuxlejob pan Kaʼb. U je tɨ kuxpanob yebé ke mach u chijob konocé aj Jehová i u chijob kosajob ke mach uts. Tsikí tɨ Hechos 24:15.
U pete ke u je tɨ kuxpan u je u kɨneʼob u tojá de ni Dios, u je u chenob demostrá fe al u tsʼonbenob aj Jesús (Apocalipsis 20:11-13). Si u chenob kaini, chʼajatak u jinob u je tɨ kuxlejob u pete tiempu pan Kaʼb. Tsikí tɨ Juan 5:28, 29.
5. ¿Ka u yeʼbenonla de aj Jehová ni kuxpesiá?
Ni kuxpesiá u chen demostrá u yajinlé aj Jehová i ke une u ɨbénonla u pete kosa utstak. Kʼa dios ke aj Jehová u tuskí u yajloʼ tɨ chɨmó ta kɨ petela, jinukʼa a kɨ pítɨnla ni kuxpesiá. I ane, ¿kóne a wo a chinen tan ni kuxpesiá? Tsikí tɨ Juan 3:16 i Romanos 6:23.