¿Kóne ni aj Jesús?

Aj Jehová u tuski aj Jesús pan Kaʼb (1 Juan 4:9)

Antes ke u chen aj Adán, aj Jehová u chi tɨ cielu untú ni ángel kʼen tʼo poder. Cheʼchi une yo kɨ kubínla jimba persona importante.

Después ke u pɨti, Dios u chi ke jimba ángel da pɨnkɨbi pan Kaʼb kaʼ untú chɨkchʼok. Untú virgen u kʼabaʼ ij María u pɨnkɨbesi tɨ Belén. Ni chʼok ɨbintik u kʼabaʼ aj Jesús (Juan 6:38).

Teʼ kuxli pan Kaʼb, aj Jesús u yeʼi ke une buenu i ani tʼo yajinlé, kaʼ chi aj Jehová. Jinukʼa ni gente u yolí anek nɨtsʼe kaʼan. Cheʼchi u yeʼi kamba u tojá de ni Dios sin anek u bakʼɨt.

Aj Jesús u chi u pete lu ke jin utʼs, peru ni kaini u yolí ni gente u chinen (1 Pedro 2:21-23)

Ni aj nojájob religiosos ta judíojob mach u yolíjob aj Jesús kʼa une u yeleʼ ke unejob u yeʼeʼob jopʼojtiʼ i ke mach utʼs u chenob.

Cheʼchi u chi tsʼak ta jin bajka kʼojo i u chi ke yebe ke a laj chɨmi sujnek tɨ kuxpan.

Ni aj nojájob religiosos ta judíojob u chijob ke ni a romanujob u jɨtsʼeob i u tsemsenob aj Jesús.