¿Kámba ni pitsil tʼanob yaʼan ta tɨkʼala?

1. ¿Kámba ni pitsil tʼanob u yeleʼ Dios?

Dios u yolín ke u pete ajnek chʼaja u jinob pan Kaʼb. Kʼa ni Dios yaʼan u yajinlé tʼo ni personajob, u chi ni Kaʼb i u pete lu ke yaʼan tama. Tsʼitaʼ yo ta u tsupsen kosajob ke u yɨkʼeʼ kʼuxe ta ajnek uts u kuxlé ni personajob de u pete kajob. Tsikí tɨ 1 Timoteo 6:19.

Niʼ untú gobiernu mach to u che podé u tsupsen tʼo ni xuchʼ, tsɨmsá, ni yajob i ni chɨmó. Peru yaʼan pitsil tʼanob, tsʼitaʼ yo ta u tsupsen Dios tʼo u pete ni gobiernujob i u je u tɨsen u gobiernu. U kaj u je tɨ ajne tʼo paz i mach u je tɨ kʼojolanob. Tsikí tɨ 1 Corintios 15:24 i Apocalipsis 21:3, 4.

2. ¿Kokʼa debe tsʼajkintik ni pitsil tʼanob bada?

Kʼa mach ajnek más kʼuxe, Dios u je u paʼsen pan Kaʼb u pete gente aj xuxlejob (Sofonías 2:3). ¿I kámba kʼin u je u chen? Ni Biblia desde ojní u yelí de ni kosajob ke yaʼan tɨ nume bada pan Kaʼb, jimba kosajob u chen demostrá ke tsʼitaʼ yo ta u chen Dios lu ke u yeleʼ. Tsikí tɨ 2 Timoteo 3:1-5.

3. ¿Ka debe kɨ chenla?

Debe kɨ tsikeʼla ni Biblia ta kɨ kɨneʼla de ni Dios, jinda kaʼ umpʼe jun ke untú pap tʼo yajinlé u tsʼibɨn ta u bijchʼokob. Jinda u yelbenonla kacheʼda ajnek bada uts ke kuxlela i ka debe kɨ chenla ta kuxlíkonla u pete tiempu. Mach u pete u je tɨ chʼajalan u jin de ke ane yaʼanet a kɨneʼ de ni Biblia. Peru kʼajtiʼin, Dios u yeleʼ ke u je u ɨbenet kosajob utstak, jinukʼa mach debe bɨkʼtaket debe a chen seguí a kɨneʼ de ni Biblia. Tsikí tɨ 2 Timoteo 3:12 i Apocalipsis 14:6, 7.