YEʼJUN 10
¿Kácheʼda puede a winaʼtan kamba ni religión ke u yeʼeʼ tu tojá?
1. ¿Yaʼan umpʼe ni bij ta utik adorá ni Dios?
«Iran ke mach u sukpekɨnetla.» (MATEO 7:15)
Aj Jesús u yeʼbí u discípulujob umpʼe religión tu tojá. Une u yelí ke kaʼ umpʼe bij ke u bisanet tɨ kuxlé u pete tiempu, peru mach u pete personajob u pojlenob (Mateo 7:14). Ni Dios yo ke utik adorá kaʼ u yeleʼ tu tojá ke yaʼan tan u tʼan, ni Biblia. Katak ke u chenob adorá ni Dios tu tojá, woyó yaʼanob tʼo seʼ (seʼma) umpʼe ba fe. Tsikí tɨ Juan 4:23, 24; 14:6 i Efesios 4:4, 5.
2. ¿Ka u yelí aj Jesús de ni kristianujob ke u sukpekɨn ni gente?
«Unejob u yɨleʼ kacheʼ ayanob tʼok Dios, pero tʼok lo ke u chenobba u yeʼeʼ ke machʼanob tʼok Dios.» (TITO 1:16)
Aj Jesús u yelí ke u je tɨ ajne aj numsa-tʼanob ke u je u sukpekɨn ni gente. Anke u yeleʼob ke u chenob seguí aj Jesús, mach u yeʼeʼjob u tojá de ni Dios i kaini u pɨʼchinob ni kristianismu. Bada, ane puede a winaʼtan kada u yeʼkan tu tojá, yai ni personajob u chenob demostrá tʼo lu ke u chenob ke unejob ni kristianujob tu tojá. Tsikí tɨ Mateo 7:13-23.
3. ¿Kátak u chenob lu ke jin tu tojá?
Kɨ chinenla jompʼe kosajob ke u chenob ni kristianujob tu tojá:
U chenob respetá ni Biblia kaʼ u tʼan Dios. Mach u yeʼeʼjob u kʼajalin ni winikob, u chenob-uba esforzá por u tsʼonɨnob ni tʼanob ke yaʼan tan Biblia ke u yeleʼ kacheʼda debe ajnek ni u kuxlé (Mateo 15:7-9). Cheʼchi, kaʼ u yeʼeʼob kaini u chenob. Tsikí tɨ Juan 17:17 i 2 Timoteo 3:16, 17.
U chenob honrá u kʼabaʼ ni Dios, aj Jehová. Aj Jesús u chi jinda al u yeʼeʼ u kʼabaʼ u Pap. U chi tsʼají tʼo ni personajob de ni aj Jehová i u laj yeʼbí u kʼatɨnob tan oración ke jimba kʼabaʼ ajnek santu (Mateo 6:9). Aj Jesús u yelbí u Pap: «A kɨ bi u chenob konocé a kʼabaʼ» (Juan 17:26, NM). ¿Kátak u yeʼeʼob u kʼabaʼ Dios, tan a kaj? Tsikí tɨ Hebreos 13:15.
U tsʼajkunob u Reinu ni Dios. Aj Jesús a julí pan Kaʼb ta u tsʼajkun ni pitsil tʼanob de u Reinu ni Dios, jinda ni gobiernu ke u je u tsupsen tʼo ni kʼuxe de ni gente. I u chi kaini ixta ke chɨmí (Lucas 4:43; 8:1; 23:42, 43). Cheʼchi, u yelí ke u discípulujob u tsʼajkunob de jimba gobiernu. Jinukʼa, si kʼotik untú persona kada anet i u tsʼajbenet de u Reinu de ni Dios, ¿kámba u religión jimba persona? Tsikí tɨ Mateo 24:14.
Unejob mach u chenob kaʼ u chen ni gente de jimba mundu da. Ni u discípulujob aj Jesús mach u jupʼu-bajob kaʼan polítika niʼ bajká an buya kontra ni gobiernu (Juan 17:16; 18:36). I mach u chejob kaʼ u chen ni gente, i mach u chʼɨmbejob u kʼajalin ni gente ke u chenob lu ke mach uts de jimba mundu da. Tsikí tɨ Santiago 4:4.
Ni yajinlé ke yaʼan tubajob u chinkan. U Tʼan ni Dios u yeʼben kacheʼda debe u chen respetá ni personajob, de u pete kajob. Ni bajká mach u yeʼeʼjob tu tojá jinijob u tɨklenob ni guerras, peru jin bajká u tsʼonbenob u tʼan ni Dios mach u chejob kaini (Miqueas 4:1-3). Unejob u tɨklenob i u chʼajalesben u jin u lotob tʼo u tiempu i u takʼinob i mach u pítɨnob ɨbíntikob niʼ umpʼe kosa. Tsikí tɨ Juan 13:34, 35 i 1 Juan 4:20.
4. ¿Kácheʼda puede a winaʼtan kamba ni religión ke u yeʼeʼ tu tojá?
¿Kámba ni religión ke u pete lu ke u yeʼeʼob u chʼeob tan Biblia, u chenob honrá u kʼabaʼ Dios, i u tsʼajkunob ke ni Reinu tɨ cielu, jin ni gobiernu ke u je u tsupsen tʼo ni kʼuxe de ni gente? ¿Kámba ni religión u yajin-ubajob tu tojá i mach u tɨklejob ni guerra? ¿I ane ka a weleʼ? Tsikí tɨ 1 Juan 3:10-12.