¿Ka u yeʼeʼ ni Biblia ke u je u chen pasá tʼo ni religión?

1. ¿U pete ni religionob u yeʼeʼob tu tojá?

Tan u pete ni religionob yaʼan ni personajob ke yo u kɨneʼob de ni Dios. I pitsí ba tʼan, kɨ winaʼtanla ke Dios u yolín i u kʼajtiʼin jimba personajob. Peru, ni gente u chen kʼen kosajob ke mach uts i u yeleʼob ke u religión u yelbenob ke kaini u chenob (2 Corintios 4:3, 4; 11:13-15). Yebé religionob u chenob kosajob mɨxtada ke mach uts, kaʼ ni guerras, ixta u chenob violá ni bijchʼokob. Kʼen kʼuxe yaʼan tan u pixan bajká de toj u chen adorá ni Dios al u yubínob kaini. Tsikí tɨ Mateo 24:3-5, 11, 12.

Ni religión tu tojá u chen honrá aj Jehová i ni religionob ke mach u yeʼeʼob tu tojá u pɨʼchin u kʼabaʼ ni Dios. Jinda u yeʼeʼob jopʼojtiʼ de ni Dios i de kacheʼda yaʼan ni aj chɨmejob, cheʼchi u yeʼeʼob de u kʼajalin winikob ke mach yaʼan tan Biblia. Peru aj Jehová une yo ke ni personajob u winaʼtanob u tojá de une. Tsikí tɨ Romanos 6:23 i 1 Timoteo 2:3-5.

2. ¿Ka u yeʼeʼ ni Biblia ke u je u chen pasá tʼo ni religionob?

Dios mach u yɨkʼɨ-uba sukpekintik tʼo aj nojajob de ni religionob ke u yeleʼob ke u yajinob ni Dios, peru a kɨ chinenla ke unejob u yajinob u mundu aj Manap (Santiago 4:4). Ni Biblia u yɨʼben u kʼabaʼ ni religionob ke mach u yeʼeʼob tu tojá, «Noj kaj tɨ Babilonia», kʼabaʼ ke u kʼajtiʼinonla umpʼe kaj de ojní, ke yai u tɨkʼí ni religión ke mach u yeʼeʼob tu tojá, jiʼpat ke numí noj gran lup de u kʼinob aj Noé. Tsʼitaʼ yo, ta u tsupsen Dios u pete ni religionob ke u sukpekɨn i u chenob kosajob ke mach uts ta u pete personajob. Tsikí tɨ Apocalipsis 17:1, 2, 5, 16, 17 i 18:8.

Peru, aj Jehová u kʼajtiʼin ni personajob ke yojob u chenob konocé, ke yaʼanob tan ni religionob ke mach u yeʼeʼob tu tojá i Dios yaʼan u woyeʼ. ¿Kácheʼda yaʼan u chen? Yaʼan u yeʼben ni u tojá. Tsikí tɨ Juan 6:45.

3. ¿Ka debe u chen ni personajob ke yojob u chenob konocé ni Dios?

Aj Jehová u kʼajtiʼin ni personajob ke u yajin ni u tojá i yojob u chenob lu ke jin uts. Jinukʼa u yelbén ke u walɨktanob ni religionob ke mach u yeʼeʼob tu tojá. Si de toj ke u yajinob ni Dios, u je u tsʼonbenob ta u chʼajalesben u jin. Tsikí tɨ Apocalipsis 18:4.

Tan ni najtɨkɨl siglu, kʼen personajob ke u yajinob ni Dios u tsʼonijob lu ke ni apóstolob u tsʼajkijob de u tʼan Dios. Aj Jehová u yeʼbí jimba personajob umpʼe kuxlé más uts tʼo chʼajaljin, u winaʼtijob kokʼa ajnijob tɨ kuxlé, i u pítijob lu ke Dios u yelí. Kaʼ unejob, cheʼchi u pete ni kristianujob debe kɨ tsʼononla lu ke u yeleʼ ni Biblia al kɨ kʼeʼla najtɨkɨ aj Jehová. Tsikí tɨ 1 Tesalonicenses 1:8, 9 i 2:13.

Aj Jehová u yolín katak u walɨktan ni religionob ke mach u yeʼeʼob tu tojá i u bixejob kaʼan ni religión tu tojá. U pete de unejob yaʼan u amistad tʼo aj Jehová, i yaʼan tubajob ni yajinlé de u pete u sukunob i yaʼan u pítɨnob kuxlíkob u pete tiempu. ¿A wo ajnek taʼa ni bendicionob da? Tsikí tɨ Marcos 10:29, 30 i 2 Corintios 6:17, 18.

4. ¿Kácheʼda u je u chen ni Dios ta ajnek u pete tʼo chʼajaljin?

Jin kʼin ke aj Jehová u je u tsupsen ni religionob ke mach u yeʼeʼob tu tojá, u je tɨ ajne chʼajaljin ta u pete personajob. Jimba religionob mach u niʼ xin u sukpekɨn ni gente i mach u niʼ ji u jekʼeʼ ni gente. U pete personajob u je u chen adorá seʼ (seʼma) ni Dios tu tojá, aj Jehová. Tsikí tɨ Apocalipsis 18:20, 21 i 21:3, 4.