¿Yaʼan tuba Dios umpʼe kaj woyó?

1. ¿Kokʼa u chi Dios de Israel de ojní umpʼe kaj ta ajnek woyó?

Dios u chi umpʼe kaj woyó, tʼo u bijchʼokob aj Abrahán i u laj ɨbí ni ley. Jimba kaj, u yɨʼbí u kʼabaʼ Israel, seʼ(seʼma)unejob ajnijob tʼo ni adoración tu tojá, Dios u yelbijob ke u kɨnɨntanob u tʼan (Salmo 147:19, 20). Por ni Israel, aj Jehová u je u chen bendecí u pete kajob. Tsikí tɨ Hechos 3:25.

Dios u yaki ni aj israelitajob ta ajnik de u testigujob. Ni tsʼají ojní de jimba kaj u chen demostrá ke si tsʼonintik ni ley ta Dios, u pete lu ke kɨ chenla u je tɨ ajne uts (Deuteronomio 4:6). Por ni aj israelitajob, u je tɨ ute konocé ni Dios tu tojá. Aj Jehová u yelbí ni u kaj «anela kɨ testigujetla» (Isaías 43:10, 12).

2. ¿Kokʼa ni kristianujob tu tojá debe ajnekob woyó ta u cherbenob u patanib Dios?

Numí tiempu, ni aj israelitajob u sɨtijob de ajnikob kaʼ u kaj Dios, i aj Jehová u chʼi otro kaj jin ni kongregación kristiana (Mateo 21:43; 23:37, 38). Jinukʼa bada, ni kristianujob tu tojá, unejob u chenob u patanib aj Jehová, kaʼ u testigujob i mach niʼ aj israelitajob. Tsikí tɨ Hechos 15:14, 17.

Aj Jesús u woyí u discípulujob, ta bixik u tsʼajkunob u tʼan Dios i u sákɨnob discípulujob tan u pete Kaʼb (Mateo 10:7, 11; 24:14; 28:19, 20). Bada, tu xupibá kʼinob de jimba mundu da, jimba patan yaʼan tɨ xupo. Tan tiempu da, aj Jehová yaʼan u woyeʼ millonob de personajob de u pete kajob ta u woyeʼubajob tan ni religión tu tojá (Apocalipsis 7:9, 10). Al ajnekob woyó, ni kristianujob tu tojá puede u tɨklen-ubajob i u ɨlben-ubajob pitsil tʼanob. Tan u pete Kaʼb, tan u woyeʼibajob u yeʼkan jin chi ba konseju tan Biblia. Tsikí tɨ Hebreos 10:24, 25.

3. ¿Kácheʼda a tutsʼi ni aj testigujob tuba Jehová tan jimba tiempu da?

Jimba grupu da a tutsʼi tu xupibá ni siglu 19. Umpʼe chʼok grupu de aj kɨnjunob de ni Biblia u tɨkʼíjob u pojlenob u tojá de ni Dios ke ajní mukú u kʼeʼnan tiempu. U winaʼtijob ke aj Jesús u woyí ni kongregación kristiana ta xikob u tsʼajkunob u tʼan Dios, kaini u tɨkʼí u tsʼajkunob tan u pete Kaʼb ni pitsil tsʼají de u Reinu ni Dios. Tan 1931 u chʼijob ni kʼabaʼ testigujob tuba aj Jehová. Tsikí tɨ Hechos 1:8; 2:1, 4 i 5:42.

4. ¿Kácheʼda yaʼan woyó ni aj testigujob tuba Jehová?

Tan najtɨkɨl siglu, ni kongregacionob kristiana de kʼen kajob pan Kaʼb u chi-ubajob beneficiá de ajnek tubajob umpʼe Komité de aj nojajob ke u chen dirigí ni kongregacionob, i u chijob rekonocé aj Jesús kaʼ ni aj Mandá tan kongregación (Hechos 16:4, 5). Cheʼchi ni aj testigujob tuba Jehová bada, yaʼan tubajob umpʼe Komité de aj nojajob ke u chenob dirigí. Jimba kristianujob, u bisanob kʼen tiempu u cherbenob u patanib Dios, unejob yaʼan u chenob dirigí ni oficinajob de ni aj testigujob tuba Jehová de u pete Kaʼb. Yai yaʼan patanib de numsintik umpʼe tʼan tan otro tʼan, u yute i u pujkan ni librujob ke u kʼɨnɨlesinte ta yeʼkak de ni Biblia, tsʼitaʼ yo ta kʼotik setesientu tʼanob. Jimba Komité da u kʼɨnɨlesanob ni Biblia en lu ke u yeʼeʼob, u yelbén pitsil tʼanob i u chenob dirigí más de cien mil kongregacionob. Tan ni kongregacionob yai yaʼan ni winikob ke u chenob lu ke u yeleʼ ni Biblia ta ajnekob de aj nojajob i u kɨnɨntanob tʼo yajinlé u kaj ni Dios. Tsikí tɨ 1 Pedro 5:2, 3.

Ni aj testigujob tuba Jehová yaʼanob woyó ta u tsʼajkunob ni pitsil tʼanob ke u ɨkʼeʼ ni Biblia i u chenob discípulujob. Kaʼ ni apóstolob, u chenob tsʼají de otot en otot (Hechos 20:20). Cheʼchi u subunob ni estudiu de ni Biblia jin katak u yajinob ni tojá. Mach seʼ (seʼma) jin umpʼe religión, si no ke unejob jin umpʼe familia, ni Dios une u Pap, u yajin-ubajob kaʼ sukunob i chichob i Dios u yajin kaʼ u bijchʼok (2 Tesalonicenses 1:3). Kaʼ u kaj ni Dios, u chen-ubajob esforzá ta u chʼajalesben u jin ni Dios i de u tɨklen u lot, jinukʼa, unejob jin ni familia ke yaʼan más chʼajatak u jinob pan Kaʼb. Ni Biblia u yeleʼ, «chʼaja u jin jimba kaj ke u Dios aj Jehová» (Salmo 33:12). Tsikí tɨ Hechos 20:35.