A Pachetasefalli Ekkese Ring Won Autur Kkewe

“NENGENI mwo auti kkeei. Ka kuna och mettoch mi sokkolo ussur?” Emon mwan a eitiewu poun ngeni emon fefin, nge neminnewe emon Chon Pwarata Jiowa, iwe, a nengeni poun me a muttir kuna pwe ese chuen nom noun we ringen pupulu. Atewe a ereni pwe ese chuen wor kinamwe lefiler me puluwan we, ina minne, ra ekiekin mufesen. Ewe Chon Pwarata a apasa “Aapw! Angei mwo ei puk me kopwe alleani. Epwe alisuk ren om pupulu.” Iwe, neminnewe a ngeni atewe ewe puk mi iteni Knowledge That Leads to Everlasting Lifea, nge mi longolong won Paipel.

Ekkoch ran mwirin ewe mwan a liwiniiti ewe Chon Pwarata fan mesepwapwa. A api ngeni poun we. Lon ena fansoun a nounou noun we ringen pupulu. A ereni neminnewe pwe ir me puluwan we ra fen alleani ewe puk itan Knowledge me iei ra mmen pwapwa. Ewe puk a fen wesewesen pachetasefalli ekkewe ring won autur kkewe.

An Paipel fon epwe tongeni alisi emon mwan me fefin mi pupulu pwe repwe pwarata tong mi enlet lefiler. A ina ussun pun ewe Paipel a popu seni ewe Chon Forikich, nge iei alon: “Ngang [Jiowa] om we Kot. Ua aiti ngonuk mine kopwe feioch ren, ua pwal emweni ngonuk ewe al kopwe fetal won.”​—Aisea 48:17.

[Pworous fan]